Irekin LHko irakaslegoan kultura ekintzailea bultzatzea helburu duen programa da. Orain arte Lanbide Heziketan Hezkuntza Ekintzailea LPO eta Urratsbat dinamizatzaileen ardura izan da, baina Irekin ekimenarekin irakasle orok gure zentruetan jarrera ekintzailea izatea lortu nahi dugu.

IREKIN Datuak

 41 ikastetxek hartu dute parte

135 irakasle sentsibilizatu dira IREKIN bitartez (Irekin-en prestakuntza + Praktika Onen lehiaketa + beste sentsibilizazio mota batzuk)

87 irakaslek jaso dute prestakuntza IREKINen

170 orduko prestakuntza

94 Praktika On aurkeztu dira lehiaketara

IREKINen diseinatutako 53 Praktika On aurkeztu dira lehiaketara

TESTIGANTZAK

  • Irakasle ekintzailearen arloa gertutik ezagutzea oso esperientzia ona izaten ari da niretzat.

    Ikastaroan parte hartzera animatu ginen argi ikusten dugulako gure lanean beharrezkoa dela erronka berriak edukitzea. Ikasleei gero eta gaitasun handiagoa eskatzen dizkiegu, eta esaten diegu ekintzaileak izan behar dutela gaur egungo gizartean. Horregatik, garrantzitsua da haientzat gu erreferente izatea.

    Ikastaroa oso baliagarria suertatzen ari zaigu ekintzailetasun sena garatzeko eta geure burua bide berrietan ikusten laguntzeko. Oso gomendagarria da, beraz; iruditzen zait irakasle guztiok jorratu beharko genukeela gaia.

    Bestalde, lehiaketan parte hartu eta finalisten artean geratzea oso pozgarria izan da guretzat: egiten duguna baloratzen dela sentitzeko balio izan digu, eta bultzada izan da eguneroko lanean gogoz jarraitzeko.

    Ezinbestekoa da egiten diren praktika onak zabaltzea, zenbat eta jende gehiagorengana iritsita hainbat eta aberasgarriago bihurtzen baitira. Gainera, beste eskoletan egiten dena jakiteak ikuspegi zabalagoa eskaintzen digu, eta ideia eta ilusio berriak sortzen dira horretatik guztitik.

    AURITZE
  • Egia da Lanbide Heziketan beti saiatu garela klase praktikoak egiten, eta aspaldi ohartu ginen aldatu egin behar genituela gure ikasleen ikasketa hobetzeko. Gaur egun, gainera, gure ikasleek gaitasun tekniko batzuk lor ditzaten eta jarrera batzuk izan ditzaten nahi dugu: talde lana, ardura izatea, autonomia, sormena, berritzeko gaitasuna, komunikazioa, erabakiak hartzea, izaera ekintzailea izatea…

    Horregatik guztiagatik animatu nintzen Tknikan eskaini ziguten IREKIN ikastaroa egitera. Kontuan izanda gure ikasleek ikusten dutenaren arabera ikasten dutela eta ez esaten diegunaren arabera…, nola irakatsiko diet jarrera ekintzailea izaten baldin eta nik ez badaukat?

    Esperientzia aberasgarria izan da: esperientziak eta hausnarketak beste irakasleekin partekatzeaz gain, erreminta interesgarriak eskuratzeko aukera izan dut, ikasgelan erabiltzeko bestelako materiala lortu dut, eta enpresaren ikuspuntura aliatu gisa eta lanbide heziketan ezinbesteko kolaboratzaile gisa hurbiltzeko aukera izan dut. Oso gomendagarria da ikastaroa.

    Hurrengo urratsa modu naturalean sortu zen: ikasgelan egiten dugun jarduera bat aurkeztu nuen Praktika Onen lehiaketan. Ustekabe ederra izan zen neure burua finalista ikustea, batez ere gure jarduera hori ez dugulako askotan “berezi eta on”tzat jotzen, eta finalista izan diren beste Praktiketan, asko daude onak. Ideia asko jaso ditut haietatik.

    Finalista guztiekin 2 egunean infografiak egiteko prestakuntza partekatzea beste sari eder bat izan zen. Eta horrela eman genion azken ukitua geure erronkari: gure Prakika Ona “deskribatzeko” infografia diseinatuta.

    Aurretik esan dudanez, oso esperientzia gomendagarria izan da. Eskerrik asko!

    IRATXE
  • Irakasle ekintzaile arloa gertutik ezagutzea oso esperientzia ona izaten ari da niretzat.

    Ikastaroan parte hartzera animatu ginen argi ikusten dugulako gure lanean beharrezkoa dela erronka berriak edukitzea. Ikasleei gero eta gaitasun gehiago eskatzen dizkiegu eta ekintzaileak izatea beharrezko dute gaur egungo gizartean, horregatik garrantzitsua da beraientzat gu erreferente izatea.

    Ikastaroa ekintzailetasun sena garatzeko eta gure burua bide berrietan ikusten laguntzeko baliagarria suertatzen ari zaigu eta oso gomendagarria da, irakasle guztiek jorratu beharko genukeen gaia iruditzen zait.

    Bestalde lehiaketan parte hartzea eta finalisten artean egotea oso pozgarria izan da guretzat, egiten duguna baloratzen dela sentitzeko balio izan digu eta eguneroko lanean bultzada garrantzitsua da. Ezinbestekoa da egiten diren praktika onak zabaltzea, geroz eta jende gehiagori iritxiz geroz eta aberasgarriagoak bihurtzen baitira. Gainera, beste eskoletan egiten dena jakiteak ikuspegi haundiago bat eskeintzen digu eta ideia eta ilusio berriak sortzen dira guzti honetatik.

    ESKARNE

AZKEN BERRIAK